शिरोळ प्रतिनिधी : लगाम न्यूज नेटवर्क
महाराष्ट्र राज्य निवडणूक आयोगाने 42 नगरपंचायती आणि 246 नगरपरिषदांच्या निवडणुकांसाठी चा आज कार्यक्रम जाहिर केला असून, 2 डिसेंबर 2025 रोजी निवडणूक व 3 डिसेंबर 2025 रोजी निकाल लागणार आहे. अर्ज दाखल करण्याची सुरवात 10 नोव्हेंबर रोजी होणार असून, अर्ज दाखल करण्याची अंतिम तारीख 17 नोव्हेंबर असणार आहे. अर्जाची छाननी 18 नोव्हेंबरला असून,अर्ज माघारीचा दिनांक 25 नोव्हेंबर असणार आहे.
यामध्ये 6859 सदस्य आणि 288 अध्यक्षांची निवड होणार आहे. अंतिम मतदार यादी 31 ऑक्टोबर 2025 रोजी प्रसिद्ध झाली असून, मतदान केंद्रनिहाय मतदार याद्या 7 नोव्हेंबर 2025 रोजी जाहीर केल्या जातील.
या निवडणुकांमध्ये एकूण 1,07,03,500 मतदार आपला मतदानाचा हक्क बजावतील, ज्यासाठी 13,355 मतदान केंद्रांची व्यवस्था करण्यात आली आहे. निवडणुका पूर्णपणे इलेक्ट्रॉनिक मतदान यंत्रांद्वारे (EVM) घेतल्या जातील. उमेदवारांसाठी नामनिर्देशन प्रक्रिया आयोगाच्या संकेतस्थळावर ऑनलाईन पद्धतीने स्वीकारली जाईल. उमेदवारांना जात वैधता प्रमाणपत्राची आवश्यकता असून, ते नसल्यास अर्ज केल्याची पावती सादर करून सहा महिन्यांत प्रमाणपत्र देण्याची सक्ती आहे.
टिप्पणी पोस्ट करा